Bermeoko Gazteentako Informazino Zerbitzua

Berualak etxe tasatuak salduko dauz

2012-01-16T12:28:00.000+01:00

Bermeoko Beruala alkarteak Martin Deuna kaleko 7an kokatutako bost Etxebizitza Tasatu salduko dauz laster. Etxebizitza horreek garaje eta trastelekuagaz salduko dira.

Etxe horreek salmenta zuzenean esleituko dira. Halandaze, interesatu asko egonez gero, zozketa bidez esleituko dira. Interesatuek baldintza honeek bete beharko dabez, nahitaez:

• Adin nagusikoa edo emantzipatua izatea.
• Etxebizitza beharra izatea.

Izen-emote epea otsailaren 10era arte luzatuko da. Informazinoa eta izena emotea Berualaren egoitzan, Andra Mari kalearen 22an.

Bermeoko Udalak etxe itunduetan izena emoteko epea zabaldu dau

2012-01-13T12:40:00.002+01:00

Bermeoko Udalak Martin Deuna auzoan eraikitzen ari diran 153 etxebizitza kontzertatu edo itunduetan izena emoteko epea zabaldu dau. Etxebizitza horreek esleitzeko oinarriak pasa dan urtarrilaren 5eko Bizkaiko Aldizkari Ofizialean (BAO) argitaratu dira. Logela bateko, biko eta hiruko etxeak izango dira eta gehienez 90 metro koadroko azalera erabilgarria izango dabe. Garajeek 30 metro koadro izango dabez gehienez eta trastelekuek, barriz, 13,50 m2.
kk
Etxebizitza horreen zozketan parte hartu gura dabenek baldintza batzuk bete beharko dabez, hain zuzen be:
kk
• Adin nagusikoa edo emantzipatua izatea.
• Etxebizitza beharra izatea.
• Erroldatuta egotea.
• Gitxieneko (9.000 €) eta gehienezko (35.000 €) diru-sarrerak.
• Onuradunak esleitutako etxebizitza ohiko bizilekutzat izatea.
kk
Izen-emote epea 2012ko apirilaren 5ean amaituko da. Izen-emote hori Berh@z bulegoan egin beharko da. Ikusi hemen esleitzeko oinarriak eta zozketan parte hartzeko eskaera-orria.

Webgune honek iragarki-taula bat izango dau martxan datorren hilean

2012-01-11T20:06:00.000+01:00

Bermeoko Gazteentzako Informazino Zerbitzuaren blog honek 'Iragarki Taula' izeneko atala izango dau martxan 2012an. Horretarako, baina, ezinbestekoa da irakurleen parte-hartzea. Holan ba, gauzaren bat saldu, erosi edo trukatu gura badozu eta blog honetan agertzea gura izanez gero, mezu bat bialtzea baino ez daukazu giz@bermeo.org helbidera eta iragarki taulan jarriko dogu hilabetez, erabat dohainik. Horretaz ganera, lana eskaini edo bilatu gura badozu be hau izango da modurik errezena eta merkeena horretarako.
lll
Bialtzen dan mezuan, iragarkia (5 esaldikoa gehienez) eta hartu-emonetarako telefono bat jarri beharko da, nahitaez. Animatu eta hasi saltzen, erosten edota beharra topaten dohainik!

Boluetako hiri-aterpetxea apaintzeko lehiaketa deitu dau Lantegi Batuak-ek

2012-01-10T18:24:00.000+01:00

Lantegi Batuak-ek, Euskadiko artista gazteei zuzendutako BBKBilbaoGoodHostel Hiri Arte lehiaketa antolatu dau. Horren helburua, Bilboko Bolueta auzoan kokatutako hiri aterpetxeko sarrera nagusia eta aldameneko horma apaintzea da.
kk
Lehiaketean, Euskal Herrian bizi dan 16 urtetik gorako edozeinek parte hartu daike, banaka edo taldeka. Proposamenak eta proiektuak aurkezteko epea urtarrilaren 31ko 14:00etan amaituko da. 500 €ko sari bi izango dira lan bi onenentzako.
kk
Ekimen aitzindaria
BBK Bilbao Good Hostel aterpetxeak udabarrian zabalduko dauz bere ateak eta kalidadezko instalazinoak eskainiko dauz. Ekimen aurrendaria da Euskadin, izan be, elbarritasuna daukien personek kudeatutako eta oztopo arkitektoniko bako Europako lehen hiri-aterpetxea da.

Atara eizu Gazte-Txartel barria!

2012-01-09T14:08:00.000+01:00

Pasa dan martxoaren 1etik aurrera martxan dago Gazte-txartel barria. Txartel barri honek ez dauka finantza zerbitzurik eta eskuratu ahal izateko ez dozu zergaitik kontu korronterik izan edota zabaldu behar kutxan. Ganera, itxura barria dauka, bere diseinu originalari esker.

Gazte-txartel barriak deskontuak, abantailak, lehiaketak, zozketak, ekitaldiak, ikuskizunak etab. eskainiko deutsuez. Bestalde, European Youth Card Association (EYCA) alkartearen barruan jarraituko dau, beraz, beste ganerako Autonomia Erkidegoetako eta Europako herrialdeetako gazte-txartelen abantailak baliatzen jarraitu ahal izango dozu.

Zelan lortu Gazte-txartel barria
Gazte-txartel barria eskuratzea oso erraza da:
kkk

Gazteaukera.euskadi.net web-orrian txartelaren eskaera egin.

Igortze-kuota ordaindu.

Bilbao Bizkaia Kutxa, Kutxa edo Caja Vital Kutxaren edozein bulegotan jaso (banku-erakunde horreen sukurtsal batera joatea derrigorrezkoa izango da, nahiz eta igortze-kuotaren ordainketa Internet bidez egin).

Martxan da Berbalagun programa

2011-10-07T17:54:00.000+02:00

Urtero lez, Bermeoko Udaleko Euskera Sailak eta AEK eta Gotzon Garitaonaindia Euskaltegiak Berbalagun ekimena jarri dabe martxan. Berbalagunen helburua, astean behin lagunekaz alkartu eta gustuko ekintzak eginez euskeraz berba egitea da.

Lagun taldeak zaletasun, adin eta denpora librearen arabera astean behin alkartzen dira eta talde bakotxak erabagitzen dau zer egin, noiz eta non. Ganera, bestelako jarduera batzuk be antolatzen dira: tailerrak, urteerak, ikus-entzunezko emonaldiak... Ekintza guzti horreek dohainezkoak dira.

Euskeraz berba egin gura dauen edozeinek parte hartu ahal dau Berbalagun programan, ikasle izan edo ez, berba egiteko gogoa baino ez da behar. Euskeraz ondo berba egiten dabenentzako be bada, trebatu gura dauenagaz astean behin batuz laguntza ederra emoten baita.

Izena emon edo informazino gehiago gura izanez gero, ondorengoak dira bideak:

• AEK euskaltegia: 609 462 018
• Gotzon Garitaonaindia euskaltegia: 688 651 491
• Hizkuntza Eskolea: 94 618 70 91
• Udaleko Euskera Saila: 94 617 91 22
• Helbide elektronikoa: bermeoberba@gmail.com

'Persona ezinduentzako lan aukerak sortzen' lehiaketa antolatu dau Lantegi Batuak Fundazinoak

2011-09-06T12:05:00.022+02:00

Eremu sozialean jarduten daben tokiko ekintzaileekaz alkarlana bultzatzeko helburuagaz, Lantegi Batuak Fundazioak “Persona Ezinduentzako Lan Aukerak Sortzen 2011” lehiaketa martxan jarri dau. Lehiaketa honen bidez, persona ezinduei zuzendutako negozio edo ekimen ideia bat daukien personek, euren proiektuak Lantegi Batuak-era eroan ahal dabez proiektu horreek errealidade bihurtzeko.

Lehiaketa honeri ezker, Lantegi Batuak-ek edozein sektoretan garatzen diran negozio barriak martxan jartzea bilatzen dau, batez be turismoa, merkataritza, ostalaritza, teknologia barriak eta energia-eraginkortasuna sektoreetan. Bizkaian ezintasun intelektuala, fisikoa zein sentzoriala daukien personentzat zerbitzu sektorean kalidadezko lan aukera egonkorrak sortzen dabezan proiektuak lehentasuna izango dabe. EAEn bizi dan edozeinek parte hartu ahal dau lehiaketean, bakarka edo taldeka (gehienez 4 lagun talde bakotxeko).

Eskaerak aurkezteko epea 2012ko apirilaren 20ko 14:00etan amaituko da. Eskaera horreek eta eskatutako dokumentazinoa berrik@lantegi.com helbide elektronikora bialdu beharko dira, mezuaren gaian “Persona Ezinduentzako Lan Aukerak Sortzen" jarriz. Ez da onartuko paperean bialdutako eskaera eta dokumentazinorik.

Lantegi Batuak eta persona edo talde irabazlearen arteko lankidetza hitzarmena izango da saria, saritutako negozio edo ekimena garatu eta martxan jartzeko helburuagaz. Hitzameneko alde biek zehaztuko dabez zeintzuk izango diran proiektu irabazlean bakotxak bete beharreko baldintza eta zehaztapenak, baita berorren denpora muga. Ebazpena, Lantegi Batuak-eko webgunean argitaratuko da 2012ko maiatzaren 31n.

Lehiaketaren inguruko informazino gehiago hemen daukazue.

Europara bidaiatuko badozu, ez ahaztu Europako Osasun Txartela

2011-05-24T10:48:00.011+02:00

Alemania, Austria, Belgika, Bulgaria, Zipre, Danimarka, Eslovakia, Eslovenia, Estonia, Finlandia, Frantzia, Grezia, Hungaria, Irlanda, Islandia, Italia, Letonia, Liechtenstein, Lituania, Luxenburgo, Malta, Norvegia, Herbehereak, Polonia, Portugal, Erresuma Batua, Txekiar Errepublika, Suedia edo Suitzara bazoaz, ez ahaztu Europako Osasun Txartela. Txartela banakakoa da, eta titularrari osasun zerbitzuak jasotzeko eskubidea bermatzen deutso.

Txartelean titularraren izena, NAN zenbakia eta atzetik daukan Segurtasun Sozialeko Institutuaren zenbakia agertuko dira. Horreri esker, gaur egun egiten diran tramiteak arinagotuko dira. Txartelari esker Europar Batasuneko hiritar guztiek jaso ahal izango dabe Batasuneko edozein herrialdetan osasun zerbitzua. Doako zerbitzua izango da hori, eta ordaindu behar baldin bada, ondoren egingo da hori. Baliotasuna urte betekoa da.

Nola eskuratu:
-On line, Gizarte Segurantzaren Bulego Birtualean eskatzen badozu, etxean jasoko dozu txartela.
-Gizarte Segurantzaren bulegoetan: Bilbon: Avda. Sabino Arana, 3 - 944 284 545 - Vicente Garamendi, 6 - 944 333 003 - Iruña, 13 - 944 478 366 - Gran Vía, 89 - 944 284 517 eta Gernikan: Juan Calzada, 89 - 946 257 107